2023 жылғы 20 сәуірде Грац қаласында (Аустрия) экономикалық мәселелер, инновациялар және халықаралық саясат жөніндегі бас директор Флориан Фраушер және Қазақстан Республикасы Сыртқы істер министрінің орынбасары Роман Василенконың төрағалығымен экономикалық, ауыл шаруашылығы, экологиялық, өнеркәсіптік, техникалық және технологиялық ынтымақтастық жөніндегі Қазақстан-Аустрия үкіметаралық комиссиясының (ҮАК) 11-ші отырысы өтті. Отырысқа екі елдің салалық министрліктері мен ведомстволарының өкілдері, сондай-ақ ірі компаниялардың өкілдері қатысып, энергетика, көлік, ауыл шаруашылығы, денсаулық сақтау, туризм және цифрландыру салаларындағы ынтымақтастықты одан әрі дамыту перспективаларын талқылады.
Үкіметаралық комиссияның күн тәртібіндегі өзекті тақырыптардың бірі сауда-экономикалық саладағы екіжақты ынтымақтастықты дамыту перспективасы және екі елдің ағымдағы экономикалық жағдайын талқылау болды. Қазақстан Аустрияның Орталық Азиядағы негізгі серіктесі болып табылатыны атап өтілді және ҚР сауда-экономикалық ынтымақтастықты арттыру маңызды.
ҚР Үкіметінің экономиканы әртараптандыру және инвестициялық тартымдылықты арттыру жөніндегі шаралары аустриялық тараптың ерекше қызығушылығын тудырды. Тараптар өзара тиімді ынтымақтастықты тереңдетуге мүдделілігін растай отырып, энергетика, көлік, ауыл шаруашылығы, денсаулық сақтау, туризм және цифрландыру салаларындағы одан әрі өзара іс-қимыл перспективаларын талқылады. Бірқатар бағыттар бойынша ынтымақтастықты арттыруға өзара қызығушылығын білдіре отырып, ҮАК қатысушылары басым бірлескен іскерлік жобалардың тізімін жаңартты және экономиканың нақты салаларында екіжақты өзара іс-қимылды нығайтуға келісті.
