13 желтоқсанда «Қазақстан алюминийі» АҚ-ның Павлодар алюминий зауыты базасында № 4 және № 5 пісіру пештеріндегі төрт электр сүзгілерді жеткізуге және ауыстыруға келісім-шартқа қол қою рәсімі өтті. Іс-шараға ERG, QSM Resources, thyssenkrupp Industrial Solutions, ERG Capital Projects, сондай-ақ БАҚ қатысты. Қатысушыларға бұрын орнатылған екі гибридті сүзгілердің жұмысы көрсетілді, сонымен қатар топтың ұзақ мерзімді экологиялық стратегиясы туралы айтылды. ПАЗ-дағы шаң-газ тазалау жабдықтарын кезең-кезеңімен жаңғырту жобасы ERG-нің Экостратегиясының бір бөлігі болып табылады.

Жұмыс істейтін сүзгілер қолданыстағы заңнаманың барлық талаптарына сәйкес келетініне қарамастан, Компания озық әлемдік тәжірибелерге сай болуға ұмтылады, сондықтан ол одан әрі алға жылжыды. Электр сүзгілерін гибридті сүзгілерге кезең-кезеңімен ауыстыру шығарылған газдардағы шаңның концентрациясын айтарлықтай төмендетуге және әлемдік нормативтердің деңгейіне жетуге мүмкіндік береді. «Қазақстан алюминийі» кәсіпорнында орнатылған жаңа және жетілдірілген сүзгілер шығарындыларды азайтуы және Павлодарда қоршаған ортаның күйін жақсартуы керек. Жоба сүзгілерді заманауи гибридті сүзгілерге ауыстыру бойынша ауқымды бағдарламаның жалғасы болды. 2020 жылы thyssenkrupp мамандары ПАЗ-дағы № 1, 2 пештердегі алғашқы екі сүзгіні ауыстырды. Бұл жолы № 4 және № 5 пісіру пештердің шаң-газ тазалау жүйесін № 7, 8, 9, 10 сүзгілерді ауыстыру арқылы қайта құру жұмыстары күтіп отыр.

Павлодар алюминий зауыты – қаладағы ең көне кәсіпорын. Электр сүзгілерін заманауи гибридті сүзгілерге кезең-кезеңімен ауыстыру шығарылған газдардағы шаңның концентрациясын айтарлықтай төмендетуге және әлемдік нормативтердің деңгейіне жетуге мүмкіндік береді. ТМД елдері бойынша тау-кен байыту технологияларын қадағалайтын thyssenkrupp аймақтық директоры Роман Карлдың айтуынша, гибридті сүзгілерді пайдалану технологиясы қазіргі сәтте ең инновациялықтардың бірі болып табылады және 99,99 пайыздан астам тазалау тиімділігіне қол жеткізуге мүмкіндік береді.